Çfarë ndodh përpara se të hapet një program profesional?

Partnership for Sustainable VET: Nga nevojat e tregut drejt programeve të gatshme për kursantët Përpara se një program profesional të hapet për kursantët, zhvillohet një proces i plotë përgatitor që lidh nevojat e tregut të punës me përmbajtjen e trajnimit dhe kushtet e nevojshme për zbatimin e tij.

Në kuadër të projektit “Partnership for Sustainable VET”, ky proces përfshin identifikimin e nevojave të tregut, zhvillimin e kurrikulave, konsultimin dhe bashkëpunimin me bizneset, përgatitjen për licencim, si dhe sigurimin e ambienteve, pajisjeve dhe materialeve të nevojshme për mësimdhënie dhe praktikë.

Një pjesë e rëndësishme e këtij procesi tashmë është realizuar: nevojat janë analizuar, konsultimet me bizneset janë zhvilluar dhe kurrikulat janë përfunduar. Aktualisht, puna është e fokusuar në hapat përgatitorë që mundësojnë kalimin drejt zbatimit të programeve.

Me përfundimin e licencimit dhe përgatitjen e kapaciteteve të nevojshme, programet do të mund të hapen për kursantët dhe të ofrojnë një kombinim të formimit profesional me eksperiencën praktike.

Partnership for Sustainable VET – Aftësi sot, mundësi nesër!

SOFT SKILLS – Aftësi që kërkon tregu i punës

Partnership for Sustainable VET: Nevojat e tregut orientojnë edhe zhvillimin e aftësive të buta Procesi i analizës së nevojave dhe dialogu me bizneset në kuadër të projektit “Partnership for Sustainable VET” kanë evidentuar se përgatitja për punësim kërkon jo vetëm kompetenca teknike dhe profesionale, por edhe aftësi të mira ndërpersonale dhe të përshtatjes në vendin e punës. Duke iu përgjigjur këtyre nevojave, Qendra “Pema e Jetës” ka hartuar një program plotësues Soft Skills, të orientuar drejt kompetencave që mbështesin integrimin dhe performancën në tregun e punës.

“Aftësitë teknike janë vetëm një pjesë e përgatitjes për punë. Komunikimi, bashkëpunimi, përshtatshmëria dhe aftësia për të zgjidhur probleme janë po aq të rëndësishme për integrimin dhe qëndrueshmërinë në tregun e punës.”— Përfaqësues/e i/e Qendrës “Pema e Jetës” Nisur nga nevojat e evidentuara përmes desk research, vlerësimit të nevojave dhe konsultimeve me bizneset, programi Soft Skills është konceptuar si një komponent plotësues i programeve profesionale të zhvilluara në kuadër të projektit.

Ai synon të forcojë përgatitjen e kursantëve për mjedisin real të punës dhe t'u ofrojë atyre kompetenca të transferueshme që plotësojnë aftësitë teknike dhe profesionale.

Në këtë mënyrë, “Partnership for Sustainable VET” synon të mbështesë një përgatitje më gjithëpërfshirëse për tregun e punës, duke kombinuar kompetencat profesionale me aftësitë e nevojshme për mjedisin real të punës.

Përfundon hartimi i kurrikulave

Partnership for Sustainable VET: Një hap i rëndësishëm drejt programeve të reja profesionale Në kuadër të projektit “Partnership for Sustainable VET”, Qendra “Pema e Jetës” ka përfunduar procesin e hartimit dhe zhvillimit të kurrikulave për programet e Trajnimit Profesional në Bashkëpunim (CT).

Zhvillimi i tyre është mbështetur në analizën e nevojave të tregut të punës, procesin e konsultimit me bizneset dhe orientimin drejt kombinimit të njohurive profesionale me aftësitë praktike.

Në kuadër të këtij procesi janë zhvilluar kurrikulat për:
1. E-Commerce Specialist;
2. Social Care – Childcare;
3. Social Care – Elderly & Disability Care;
4. Facility Maintenance and Support.

Në kuadër të procesit të zhvillimit dhe konsultimit, fusha e Social Care u strukturua në dy drejtime – Childcare dhe Elderly & Disability Care – për t’iu përgjigjur më mirë nevojave të ndryshme për kompetenca profesionale në sektorin e kujdesit.

Këto programe synojnë të krijojnë një lidhje më të drejtpërdrejtë ndërmjet formimit profesional, eksperiencës praktike dhe kërkesave të tregut të punës.

Përfundimi i kurrikulave përbën një nga etapat kryesore të përgatitjes së programeve, ndërsa puna vijon me procedurat dhe kapacitetet e nevojshme për licencimin dhe zbatimin e tyre.

Formimi profesional ndërtohet së bashku me biznesin

Partnership for Sustainable VET: Bizneset kontribuojnë në zhvillimin e programeve profesionale Në kuadër të projektit “Partnership for Sustainable VET”, Qendra “Pema e Jetës”, së bashku me partnerët e projektit, ka zhvilluar një proces konsultimi me bizneset, me fokus nevojat aktuale të tregut të punës dhe komponentin praktik të programeve të Trajnimit Profesional në Bashkëpunim (CT).

Takimet konsultuese kanë krijuar mundësi për të diskutuar kompetencat që kërkohen nga punëdhënësit, aftësitë praktike të nevojshme për kursantët dhe mënyrat për të forcuar lidhjen ndërmjet formimit profesional dhe mjedisit real të punës.

Kontributi i bizneseve është reflektuar në procesin e zhvillimit të programeve, me synimin që përmbajtja dhe komponenti praktik i tyre t'u përgjigjen sa më mirë nevojave të tregut.

“Bashkëpunimi me bizneset që në fazën e zhvillimit të programeve është thelbësor për të kuptuar se cilat kompetenca kërkohen realisht në vendin e punës dhe si mund t’i reflektojmë ato në formimin profesional.”— Përfaqësues/e i/e Qendrës “Pema e Jetës”

Përmes kësaj qasjeje, “Partnership for Sustainable VET” synon të forcojë bashkëpunimin ndërmjet ofruesve të formimit profesional dhe sektorit privat dhe të krijojë më shumë mundësi për aftësim dhe punësim.